Aktori i madh shqiptar, Çun Lajçi, ka vizituar liderin e AAK-së, Ramush Haradinajn, në Strasburg të Francës.
Lideri i AAK-së, i cili po mbahet në Francë në bazë të një fletarresti serb, është vizituar nga Çun Lajçi, i cili përveç vizitës i ka kushtuar edhe një poezi Ramush Haradinajt, transmeton Telegrafi.
Lexojeni postimin e Çun Lajçit dhe poezinë kushtuar Haradinajt:
Me Heroin tim z.Ramush Haradinaj (dhe Haqif Hazirin) Strasburg 3.4.2017
*Heroit tim*
Pak dhembje mora e pak mall lashë,
Në drynin e brejtun Dukagjinçe,
Atje, n’Avenun e Lirisë
Ai
Retë e bardha m’i ktheu në Mokna
E shallin ma lidhi bukur në plis.
Ik mik,
Kthehu gjurmëve të ardhjës
E ruaju mos u plak,
E zemrën ma shtrengoi,
Me zemër duarësh.
Me prit, tha, të plakemi bashkë,
Në truallin e Dardanisë
- Advertisement -
