Varrimi i ikonës së muzikës shqiptare, Nexhmije Pagarusha e cila ndërroi jetë në moshën 86 vjeçare do të bëhet në vendlindjen e saj në Pagarushë të Malishevës.
Ajo para vdekjes kishte lënë amanet që të varrosej në fshatin e saj të lindjes, në Pagarushë të Malishevës, shkruan gazeta online Reporteri.net.
Ky fshat ndodhet 55.3 kilometra larg kryeqytetit të Kosovës dhe është një ndër fshatrat më të mëdha të komunës së Malishevës.
Karakteristikë e këtij fshati është relievi i thyer dhe largësia mes lagjeve, të cilat gjenden me kilometra larg njëra tjetrës.
Ajo do përcillet nesër për në banesën e fundit. Ceremonia mortore do kryhet pa praninë e mediave, pasi kjo ishte dëshirë e këngëtares.
Nexhmije Pagarusha ka lënë pas vetes hite si “Baresha”, “E dehun jam”, “Sytë për ty i kam të njomë” e shumë të tjera.
Këto janë disa nga pamjet e gjelbruara të vendlindjes së këngëtares Nexhmije Pagarusha:
/Reporteri/
