Kjo është kosovarja që humbi jetën në aksidentin në Francë, raportohet se bashkëshorti dhe dy djemtë mbetën të lëndur

Një aksident i rëndë trafiku, i ndodhur më 22 qershor 2026 në Francë, i ka marrë jetën bashkëvendases Besire Kolgeci-Baraliu.

Lajmin e hidhur e ka dhënë faqja e fshatit Bukosh.

Sipas njoftimit, në të njëjtin aksident kanë mbetur të lënduar edhe bashkëshorti i saj, Lulzim Baki Baraliu, si dhe dy djemtë e familjes. Ata po marrin trajtim mjekësor në një spital në Bazel, ku ndodhen nën kujdesin e stafit shëndetësor.

Lajmi për vdekjen e Besire Kolgeci-Baraliut ka pikëlluar familjarët, të afërmit dhe bashkëfshatarët e saj, të cilët kanë shprehur dhimbjen për humbjen e rëndë.