Këto janë vendet që janë më të korruptuara se Kosova
Shqipëria, Maqedonia dhe Bosnje e Hercegovina rezultojnë të jenë shtete me korrupsion më të madh se Kosova.
Këto konstatime dalin nga një projekt hulumtues i financuar nga Bashkimi Evropian dhe i implementuar nga Qendra për Studime të Demokracisë (CSD), me seli në Bullgari, i cili ditë më parë është prezantuar në Uashington, raporton lajmi.net.
Në këtë hulumtim, 50% e qytetarëve të Shqipërisë kanë deklaruar se atyre u është kërkuar ryshfet, derisa 40 % janë deklaruar se kanë dhënë ryshfet për të kryer ndonjë punë.
Pas Shqipërisë, rangohet Maqedonia. Rreth 30% e të anketuarve janë deklaruar se iu është kërkuar që të japin ryshfet, derisa 29 % e tyre kanë dhënë ryshfet.
Edhe Bosnja e Hercegovina nuk ka dalë fare mirë në këtë hulumtim. Rreth 33% e të anketuarve kanë deklaruar se iu është kërkuar ryshfet ose dhurata, derisa 28% janë deklaruar se kanë dhënë.
Në vendin e katërt renditet Kosova. Rreth 27% e kosovarëve kanë deklaruar se iu është kërkuar ryshfet, derisa 22 % kanë thënë se ata kanë dhënë ryshfet.
Lexo edheE vjedh makinën e policisë para syve të oficerëve, i shpëton arrestimit (Video)
