Ndeshjet e ligave evropiane nuk kanë përfunduar ende.
Në kuadër të Serie A dhe Premierligës, sonte do të zhvillohen dy ndeshje shumë interesante, të cilat i interesojnë shumë tifozëve të futbollit botëror, shkruan GazetaBlic.
Skuadra e Interit sonte takohet me Lazion në ‘Olimpico’, me fillim nga ora 20:30, në kuadër të xhiros së 10’të të Serie A.
Inter dhe Lazio po luftojnë për një vend në Ligën e Kampionëve dhe fitorja i nevojitet dy skuadrave që të ndjekin objektivin e tyre.
Inter ndodhet në vendin e tretë me 19 pikë, kurse Lazio në vendin e katërt me 18 pikë.
Përveç këtij super dueli, në Premierligë zhvillohet edhe një super derbi. Skuadra e Tottenhamit pret Manchester Cityn në shtëpi.
Chelsea dhe Liverpool fituan duelet e tyre, andaj ‘City’ i ka obligim tre pikët në këtë sfidë – kurse Tottenham e ka shansin e artë të ngjitet në tabelë dhe të tregojë se është konkurrent serioz këtë edicion në Premierligë.
