Arbër Gashi dhe Besim Klinaku, janë dy policët e arrestuar nën dyshimin se e kanë keqpërdorur detyrën zyrtare lidhur me zhdukjen e dëshmive.
“Dy policët e arrestuar janë të Stacionit Qendra, e ata janë Bujar Klinaku dhe Arbër Gashi”, ka theksuar ky burim i Gazetës Blic.
Ndërkohë, ata dyshohen për shpërdorim të detyrës zyrtare dhe për zhdukje të dëshmive.
Lajmin për arrestimin e tyre e ka konfirmuar për “Gazeta Blic” Divizioni për komunikim me publikun dhe bashkëpunim ndërkombëtar në Inspektoratin Policor të Kosovës (IPK).
“IPK ka reaguar sot në një rast ku dy policë kanë qenë të dyshuar për keqpërdorim të detyrës dhe zhdukje e dëshmive”, thuhet në përgjigjen e IPK.
Të dy pjesëtarët e policisë me vendim të Prokurorit u është caktuar masa e ndalimit për 48 orë.
