Paul Williams, profesor i Universitetit Amerikan në Washington dhe ekspert i së drejtës ndërkombëtare, është dëshmitari i radhës në mbrojtje të Hashim Thaçit dhe ish-krerëve të tjerë të UÇK-së në Gjykatën Speciale.
Ai ka qenë këshilltar për delegacionin e Kosovës në Rambuje të Francës në vitin 1999, kur negociohej përfundimi i luftës.
Amerikani Williams kishte punuar pa pagesë për këshillimin e delegacionit kosovar në Rambuje, në shkurt dhe mars 1999.
Ai pritet të dëshmojë për procesin e vendimmarrjes së delegacionit kosovar, diskutimet e brendshme, komunikimet e tij me Thaçin, etj.
Williams kishte punuar për dy vjet në Departamentin amerikan të Shtetit dhe merrej me çështjet e shpërbërjes së ish Bashkimit Sovjetik dhe ish Jugosllavisë.
- Advertisement -
