Prej vitesh tashmë operacionet plastike janë kthyer në modë dhe janë bërë të zakonshëm sidomos për vajzat e ekranit dhe këngëtarja Besa Kokëdhima është një ndër personazhet që është përfolur për ndërhyrje, por ajo vetë nuk ka folur më parë për këtë temë.
Mbrëmjen e të shtunës, e ftuar në emisionin “Xing me Ermalin” në Tv Klan e pyetur nga moderatori Mamaqi nëse ka bërë ndërhyrje, Besa tha se nuk ka bërë asgjë më shumë se ç’mund të bëjë një vajzë moderne dhe se ndihet mirë me veten.
Ermal Mamaqi: Thonë që ke bërë ndërhyrje kirurgjikale, ke bërë apo s’ke bërë?
Besa Kokëdhima: S’kam bërë asgjë që s’ka bërë një vajzë moderne e shoqërisë tonë. Ndihem mirë me veten. Dhe kur të vdes kam thënë që dua të më djegin dhe jo t’më mbulojnë dhe përveç kësaj gjëja më e rëndësishme, t’më rregullojnë.
