Musli Gucati, djali i ish-kryetarit të Ushtrisë Çlirimtare të Kosovës, Hysni Gucati arriti të marr vota nga qytetarët për zgjedhjet e 14 shkurtit.
Në bazë të numërimit të votave nga formularët e publikuar nga KQZ’ja, në 74 vendvotime në Skenderaj, Musli Gucati që kandidoi për deputet në listën e Partisë Demokratike të Kosovës arriti të marr 845 vota.
Babai i Musliut, Hysnia është duke u mbajtur në Dhomat e Paraburgimit në Hagë.
Ai sa bashku me Nasim Haradinaj po akuzohen nga Gjykata Speciale për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.
Në ndërkohë fituese e zgjedhjeve të 14 shkurtit doli të jetë Lëvizja Vetëvendosje me mbi 47% të votave të përgjithshme. /Gazeta Express/
