Kandidati i PDK-së: Në zyrën e kryeministrit po printohen certifikata për veteranë

Kandidati për deputet nga Partia Demokratike e Kosovës Blerim Latifi ka thënë se janë disa shkaktarë për listat e fryra të veteranëve të luftës.

Latifi ka thënë në RTV Dukagjini se në zyrën e kryeministrit në detyrë Ramush Haradinaj, po printohen certifikata të rrejshme për veteranë të luftës së UÇK-së.

“Me një printer të thjeshtë. Ia qet emrin, print dhe e merr certifikatën. Ende në zyrën e kryeministrit printohen certifikata”, tha Latifi.

Anëtari i PDK-së ka thënë se kjo po ndodh vetëm për arsye elektorale.