Kadri Kryeziu e konsideron të konstituar Kuvendin: Basha s’bëri asnjë gabim, Kryesia ka kuorum

Ish-gjyqtari i Kushtetueses, Kadri Kryeziu, po e konsideron si të përmbyllur procedurën e konstituimit të Kuvendit të Kosovës.

Sipas tij, tashmë Kryesia ka kuorum dhe mund të vazhdohet me punën e Kuvendit, ndërkohë që zgjedhja e një nënkryetari të mbetur mund të bëhet në seancat e radhës, raporton Express.

“Arsyeja është se Kryesia e parlamentit ka kuorum të mjaftueshëm. Kam propozuar që parlamenti ndërkohë të funksionojë, dhe në seancat e radhët të jetë në rend të ditës edhe zgjedhja e nënkryetarit”, ka thënë Kryeziu në T7.

Sipas tij, Dimal Basha ka vepruar në përputhje me Kushtetutën dhe s’ka bërë asnjë gabim.