Kadetët e FSK-së përfundojnë me sukses stërvitjen “Qielli i Shqiponjave 2026”

Qendra për Studime Universitare (QSU) e Forcës së Sigurisë së Kosovës ka përmbyllur me sukses vlerësimin praktik për vitin akademik 2025/2026, të koduar “Qielli i Shqiponjave 2026”.

Sipas njoftimit të FSK-së, gjatë nëntë ditëve të angazhimit intensiv në rajonin e Gjakovës, kadetët realizuan operacione luftarake në nivel togu dhe kompanie, duke vënë në zbatim në terren njohuritë teorike dhe praktike të fituara gjatë vitit akademik.

Vlerësimi praktik përfshiu planifikimin dhe ekzekutimin e operacioneve luftarake, zbatimin e drilleve të betejës, koordinimin ndërmjet njësive si dhe vendimmarrjen në kushte dinamike.