Me 62 vota, u votua sot në lexim të parë për buxhetin e vitit 2018.
Madje në mesin e atyre që votuan pro këtij buxheti ishte edhe njëra nga deputetet e opozitës, pikërisht nga LDK, deputetja Besa Gaxherri.
Ndërkohë në bazë të emrave se si votuan sot deputetet e Kuvendit, del që dy nga deputetët e tjerë që zgjodhën të jenë pjesë e këtij procesi, ishin edhe deputetja e LDK-së, Hykmete Bajrami si dhe deputeti i Lëvizjes Vetëvendosje, Sami Kurteshi.
Kurteshi dhe Bajrami zgjodhën që të votonin kundër, por duke mos qëndruar pasiv, si shumica e opozitës që vepruan njësoj sot.
Duhet shtuar që pati një debat të gjatë lidhur me buxhetin, por i cili përfundoi ditë më parë, për t’i dhënë fund me votimin e sotëm në lexim të parë.
E është pikërisht kryeministri i vendit, Ramush Haradinaj i cili ka deklaruar sot se është e habitshme se si opozita nuk morën pjesë në votim, edhe pse ishin të pranishëm në seancë./Indeksonline/
