Ramiz Kelmendi më nuk është në PDK. Këtë ai e ka konfirmuar për Koha.net bashkë me arsyetimin e tij.
Kelmendi ka thënë se ai ka pasur synim që të ndikojë në zhvillimin e Kosovës brenda PDK-së, por kjo i është pamundësuar, transmeton Koha.net.
“Inkuadrimi im ka qenë me synim që në kuadër që mundet të ndikojë që të zhvillojmë hovshëm Kosovën. Me që kjo më është pamundësuar, me keqardhje duhet të largohem pasi e kam një lloj morali politik”, ka thënë Kelmendi për Koha.net.
Në atë se ku do të pozicionohet pas kësaj dorëheqje, Kelmendi ka qenë i rezervuar duke thënë se nuk duhet të nxitojë, ngaqë ka edhe emocione, por nuk e ka kundërshtuar atë se ka oferta nga partitë tjera.
“Kam oferta, kam pasur edhe më herët. Nuk mund të them asgjë se ku do të vazhdojë, nuk kam menduar. Jam pak në emocione, nuk është lehtë të largohesh nga partia në të cilën ke pasur mundësinë që të implementosh vizionin tënd”, është përgjigjur Kelmendi./KOHA.net/
