Problemi me qentë endacak ende po paraqitet sfidë jo vetëm për nivelet lokale, por edhe për atë qendror. Me këtë problematikë po ballafaqohet edhe komuna e Skenderajt, ku çdo ditë mund të vëresh qen endacak të cilët bredhin rrugëve të qytetit, njofton Drenica Press
Në mungesë të hapësire adekuate, këta qen po bredhin rrugëve, afër kontenjerve dhe banesave kolektive, duke paraqitur rrezik seriozë, veçanërisht për fëmijët e moshave minore.
Fatmirësisht deri më tani në komunën e Skenderajt nuk është raportuar për ndonjë sulm me fatalitet sikurse në disa komuna të tjera, por pavarësisht kësaj, as Skenderaj nuk qëndron imun ndaj kësaj dukurie.
Një shqetësim ka paraqitur edhe një banor i qytetit përmes një video, ku shihen qentë endacak duke sulmuar veturat në rrugën “Salë e Hamit Jashari”, përball gjimnazit “Hamëz Jashari” në Skenderaj.
“Ditë për ditë nxënësit po përballen me këto rreziqe”- shkruan qytetari për Drenica Press
