Ministri në largim i Shëndetësisë, Uran Ismaili, ka thënë se problemet e shëndetësisë janë trashëguar. Sipas tij në dy vitet e fundit, janë munduar që ajo të jetë në funksion të pacientit.
“Kemi ulur shpenzimet e panevojshme dhe kemi përmirësuar aparaturën e vjetërsuar e tjera. Shërbimet publike shëndetësore sot janë më të qasshme, në invazive kanë qasje 24 ore, kemi ofruar modele shpresëdhënëse, kemi ulur shpenzimet shëndetësore duke ndihmuar ekonominë familjare” , tha ai sonte në emisionin “Debat”, në RTK.
Sipas Ismailit, gjatë qeverisjes së LDK-së janë blerë barëra në mënyrë abuzive.
“Pacienti atëbotë nuk ka qenë me rëndësi, ai rrinte në bodrumet e QKUK-ës kurse këta merreshin me ligje”, tha Ismaili.
