Trajneri i kombëtares së Suedisë, Graham Potter, ka publikuar listën e lojtarëve për Kupën e Botës 2026.
Potter ka zgjedhur të shpallë direkt listën finale prej 26 lojtarësh që do të udhëtojnë drejt Amerikës së Veriut, në vend të një liste paraprake më të zgjeruar.
Suedia do ta nisë aventurën në Grupin F më 14 qershor kundër Tunizisë në Meksikë, shkruan “Gazeta Express”.
Sulmuesi i Liverpoolit, Alexander Isak, është rikthyer në skuadër pas mungesës në ndeshjet “play-off” të marsit ndaj Ukrainës dhe Polonisë. Në listë janë rikthyer gjithashtu Isak Hien dhe Eric Smith.
Alexander Bernhardsson dhe Emil Holm janë rikuperuar në kohë për turneun, por për Dejan Kulusevski Kupa e Botës ka ardhur shumë herët për shkak të lëndimit afatgjatë.
I ftuar për kombëtaren e Suedisë është Besfort Zeneli, ish-lojtari i kombëtares U21 të Kosovës.
Besforti është vëllai i Arbër Zenelit, i cili ka luajtur për kombëtaren e Kosovës.
Besforti luan te Royale Union SG në kampionatin e Belgjikës.
Një mungesë surprizë është Roony Bardghji, i cili zhvilloi 26 paraqitje në sezonin e tij debutues me Barcelonën. Jashtë listës ka mbetur edhe Williot Swedberg.
Në portë, Potter ka rikthyer Viktor Johansson dhe Jacob Widell Zetterstrom, të cilët munguan në mars. Ata pritet të jenë zëvendësues të Kristoffer Nordfeldt.
Lista e Suedisë për Kupën e Botës 2026
Portierë: Kristoffer Nordfeldt, Viktor Johansson, Jacob Widell Zetterstrom
Mbrojtës: Gustaf Lagerbielke, Victor Lindelof, Gabriel Gudmundsson, Daniel Svensson, Elliot Stroud, Carl Starfelt, Isak Hien, Emil Holm, Hjalmar Ekdal, Eric Smith
Mesfushorë: Lucas Bergvall, Jesper Karlstrom, Yasin Ayari, Mattias Svanberg, Besfort Zeneli, Ken Sema
Sulmues: Gustaf Nilsson, Benjamin Nygren, Anthony Elanga, Viktor Gyokeres, Taha Ali, Alexander Isak, Alexander Bernhardsson./GazetaExpress/
Ndeshjet e Grupit F
14 qershor: Suedi – Tunizi
20 qershor: Holandë – Suedi
25 qershor: Japoni – Suedi
