Ish gjenerali serb Stevan Gjuroviq në një intervistë për mediat maqedonase kishte rrëfyer gjerësisht për luftën e forcave serbe dhe UÇK-së në Kosovë.
Gjenerali serb zbuloi detajet e luftimeve të ushtrisë dhe policisë në Kosovë kundër UÇK-s, dhe ai u përqëndrua veçanërisht në detajet e vrasjes së Jasharit. Ai zbuloi se spiunët serbë kishin shumë raste për të vrarë komandantin legjendar, Adem Jashari. Madje sipas tij ai mund të kapej edhe i gjallë, transmeton InfoPress.
“Ne dërguam një spiun në UÇK, kështu që ne e dinim për çdo hap që Jashari bënte. E dinim se ku po shkonte, çfarë po bënte dhe me kë po takohej. Spiunët nuk ishte e vështirë të gjendeshin, sepse në atë kohë, shumë shqiptarë shiteshin për disa mijëra marka”, – tha Gjuroviq.
Ai shtoi se ata mund të vrisnin Jasharin sa herë dhe kudo që të donin. Të tre spiunët, të cilët punonin kundër tij, ishin të afërmit e tij, thotë ai.
“Para së gjithash, ne ishim ndihmuar nga një ish-ministër shqiptar, i cili gjithashtu pranoi të punonte për ne si spiun. Ne zbuluam detajet më të vogla prej tij, madje edhe kur Jashari kishte mbushur xhepat me para”, rrëfeu ish gjenerali serb.
Për më shumë shikoni videon:
