Në prani të kryetarit të Bashkisë së Neë York-ut, Bill deBlasio, imami shqiptaro-amerikan nga Tërsteniku i Drenasit, Tahir Kukaj, por që jeton në Staten Island, ka bërë bekimin e një linje të re trageti në qytet.
Ai ishte një nga të ftuarit kryesorë në ceremoninë zyrtare për rrugën inauguruese të anijes që do të transportojë njujorkezët çdo ditë nga Beach Channel Drive dhe Beach 108th Street, në Rockaëay Park, shkruan Ilirianpress.
“Ishte një nder dhe një privilegj që mora pjesë bashkë me kryebashkiakun deBlasio dhe zyrtarë të tjerë të zgjedhur në hapjen e madhe të Linjës me Anije në Rockëay dhe që të thoja me këtë rast fjalë bekuese për udhëtimin e parë…”, shkruan në Facebook Imami Kukaj.
Kleriku i njohur shqiptar ka tashmë një histori të gjatë bashkëpunimi me autoritetet bashkiake të qytetit, me nismat ndërfetare si dhe me forcat e rendit në qytet.
Qendra Shqiptare Islamike Kulturore në Staten Island ku jep mësim Imami Kukaj është bërë një qendër komuniteti ku bashkohen njujorkezët e të gjitha feve e ku shpesh marrin pjesë edhe zyrtarë amerikanë.
