Partia Demokratike e Kosovës ka publikuar listën e anëtarëve të Këshillit Drejtues. Ajo që bie në sy është, që krahas figurave të vjetra, në këtë listë përmes votës janë futur edhe fytura të reja që janë bërë pjesë e Dekadës së re.
Një ndër ta është Arbër Geci. Duke i hyrë kësaj gare për herë të parë, Geci ka befasuar me mbështetjen e madhe që ka marrë nga delegatët në Konventen e PDK-së. Edhe pse i ri në këtë fushë dhe pa përvojë politike, Arbër Geci, ka marrë 288 duke lënë pas vete shumë kandidatë për anëtarë të KD-së, ndonëse ata mbajnë pozita të ministrave dhe deputetëve.
Një përkrahje e tillë, padyshim që e ka gëzuar Arbërin, i cili përmes llogarisë së tij në Facebook, ka falenderuar të gjithë ata që e kanë mbështetur.
“Me sinqeritetin më të madh, ju falenderojë të gjithëve delegate dhe delegatë të Konventës së IX-të të Partisë Demokratike të Kosoves për besimin e dhënë me anë të votes tuaj që për herë të parë si garues më dhatë mundësinë të jem Antarë i Këshillit Drejtues të PDK-së.
Është nderë i veçant dhe privilegj që më është japë mundësia të kontribuoj sado pak për Partinë, për vendin tim, për një Kosovë me të mirë dhe më Evropiane”, ka shkruar Geci.
