Avdullah Hoti, ish-kryeministër dhe deputet i LDK-së, ka thënë se nuk është normale mbajtja e zgjedhjeve në kohë festash sikur po ndodh tani me 28 dhjetor, kur shumë qytetarë shkojnë në pushime.
Megjithatë, sipas tij, këto zgjedhje do të na shërbejnë për të kthyer normalitetin në vend dhe për të larguar qeverisjen e keqe të Albin Kurtit.
“Në vitin 2025 na duhet rikuperim i menjëhershëm i marrëdhënieve me aleatët tanë, ta kthejmë normalitetin në qeverisje, t’i përmbyllim projektet e mëdha infrastrukturore, të nisim me adresimin e problemeve në energjetikë për ndërtimin e kapaciteteve të reja, t’i miratojmë marrëveshjet ndërkombëtare që janë duke pritur qe sa kohë, t’i kthehemi marrëveshjes së Washingtonit dhe t’i heqim sanksionet e Bashkimit Evropian”, ka thënë Hoti në T7.
Tutje, sipas Hotit, menjëherë në vitin 2026 duhet të nisim mbledhjet e përbashkëta me Shqipërinë, të intensifikojmë dialogun me BE për inkuadrim në Bashkimin Evropian dhe të punojmë ngushtë me aleatët për t’iu bashkuar NATO-s.
