Ish-kryetari i Gjykatës Kushtetuese, Enver Hasani ka thënë se Qeveria nuk mund të kufizojë lëvizjen e qytetarëve, pasi që kjo është në kundërshtim me Kushtetutën, shkruan Gazeta Metro.
Kështu u deklarua sot ai në T7, ku ndër të tjera shtoi se nuk ka kushtetutë që kufizon liritë dhe të drejtat e njeriut.
“Këto që i them tash ua kam thënë edhe tjerëve nuk ka asnjë kushtetutë në vende demokratike në të cilën mund të kufizohen të drejtat dhe liritë në territotrin sovran por vetëm në masa të jashtëzakonshme’’, ka thënë Hasani.
Tutje, ai ka shtuar se politizimi i këtyre ngjarjeve është për të qajtë.
“Të drejtat relative mund të kufizohen vetëm në gjendje të jashtëzakoshme. Të drejtat absolute as në gjendje të jashtëzakonshme. Për fat të keq kemi një politizim të skajshëm të ngjarjes. Është për të qajtë’’ , tha ai.
Kujtojmë se Qeveria ka vendosur që prej nesër qytetarëve t’u lejohet të dalin jashtë vetëm nga ora 06:00 deri në 10:00 dhe nga 16:00 deri në 20:00./gazetametro.net
