Fitorja e lehtë kundër Getafe nuk ka mjaftuar për të qetësuar situatën te Real Madrid. Lamtumira e Cristiano Ronaldo, dyshimet për drejtimin e ri teknik të Julen Lopetegui dhe fundosja në Superkupën e Europës ndaj Atletico Madrid kanë shqetësuar aq shumë tifozët e Real sa kjo u pa edhe në ndeshjen e parë të kampionatit ku u shitën vetëm 48.400 bileta, si nuk ndodhte që nga viti 2009.
Në këto kushte, Real duhet të bëj korrigjime dhe “AS” shkruan se presidenti Perez po mendon për të marrë ndonjë përforcim, pasi merkato në Spanjë mbyllet më 31 gusht dhe kërkesat e Lopetegui për të marrë një qendërsulmues tjetër, si alternativë e Benzema, mund të plotësohen.
“Merengues” do të nisin sulmin për të marrë Rodrigo, talenti brazilian i natyralizuar spanjoll, i cili e ka klauzolën për prishjen e kontratës me Valencia, 120 milionë euro.
Koha dhe shuma nuk janë në favor të “merengues”, ndërsa dëshira e futbollistit “po”.
