Kryetari i AAK-së, Ramush Haradinaj, ka dërguar një mesazh të fortë politik përmes një postimi, ku ka kritikuar qeverinë në detyrë të udhëhequr nga Lëvizja Vetëvendosje dhe kryeministri Albin Kurti.
Haradinaj u shpreh se besimin për të ardhmen nuk e ka humbur kurrë, duke kujtuar përvojat e luftës dhe mbështetjen e bashkëluftëtarëve, familjeve dhe aleatëve ndërkombëtarë, transmeton lajmi.net.
Ai akuzoi qeverinë aktuale për “propagandë” dhe “keqpërdorim ekstrem të pushtetit”, ndërsa theksoi se kauza e tyre gjithmonë ka qenë e lidhur me lirinë e fjalës dhe vlerat demokratike.
Sipas tij, pushteti aktual po tenton të shkatërrojë kujtesën dhe rrugëtimin e vendit.
Haradinaj deklaroi se ndryshimi do të vijë përmes votës së qytetarëve, duke premtuar rikthimin e miqve ndërkombëtarë dhe shpresës për zhvillim.
“Ditët e mira do të agojnë”, theksoi ai, duke shtuar se nëpërmjet demokracisë do të “rrënohet shembulli i keq” i qeverisjes aktuale.
Postimi i plotë:
