Kryeministrja e Serbisë Ana Bërnabiq sot ka takuar komisarin evropian për Zgjerim, Johanes Hahn, me të cilin kanë biseduar edhe për marrëveshjen përfundimtare me Kosovën.
Ata thanë se është e domosdoshme ruajtja e stabilitetit rajonal dhe u pajtuan që të gjitha çështjet bilaterale me fqinjët duhet të zgjidhen me dialog, transmeton lajmi.net.
Kur vjen puna te dialogu me Prishtinën, komisioneri Hahn kujtoi për mbajtjen e takimin joformal të ministrave dje në Vjenë ku përsëriti se çdo marrëveshje duhet të kontribuojë për paqen dhe stabilitetin e Ballkanit Perëndimor.
Bërnabiq theksoi gatishmërinë e Beogradit për të vazhduar dialogun, por edhe domosdoshmërinë e formimit të Asociacionit të Komunave me shumicë Serbe, si detyrë e paplotësuara e Prishtinës në kuadër të marrëveshjes në Bruksel.
