Mbetet vetëm çështje kohe, Granit Xhaka mund të quhet nga tani lojtar i Arsenalit
Duket se telenovela me emrin Granit Xhaka tashmë ka përfunduar. Sipas burimeve të afërta me lojtarin, mesfushori shqiptar tashmë gjendet rrugës për në Londër ku pritet të finalizojë transferimin te Arsenali.
Ende nuk është bërë e ditur shuma e transferimit të Granit Xhakës, por tashmë dihet se 23 vjeçari do ta vesh fanellën e Arsenalit sezonin e ardhshëm. Zyrtarizimi i Xhakës si lojtar i Arsenalit pritet të bëhet gjatë kësaj jave. /Express/
