Një granatë dore dhe nëntë gëzhoja të pushkës së gjuetisë janë gjetur në rrugën “Arsim Muzaqi” në Vushtrri.
Rasti është raportuar më 19 shtator, rreth orës 14:39, pasi një dëshmitar ka njoftuar Policinë se disa fëmijë i kishin thënë se kishin parë një bombë dore.
“Dëshmitari m/k ka raportuar se derisa ka qenë duke kaluar rrugën, disa fëmijë e kanë njoftuar se kanë parë një bombë dore”, thuhet në raportin 24-orësh të Policisë së Kosovës.
Pas njoftimit, Policia ka dalë në vendin e ngjarjes dhe e ka siguruar atë. Njësitë përkatëse kanë sekuestruar një granatë dore dhe nëntë gëzhoja të pushkës së gjuetisë.
