Sonte nis zyrtarisht Kupa e Botës me ndeshjen hapëse mes Meksikës dhe Afrikës së Jugut, e cila pritet të zhvillohet në një atmosferë të jashtëzakonshme në stadiumin “Estadio Azteca”.
Sipas mediave, mbi 80,000 spektatorë do të jenë të pranishëm në tribuna për të ndjekur përballjen e parë të turneut më të madh të futbollit në botë.
Ndeshja mes dy kombëtareve rikthen një përballje historike, pasi Meksika dhe Afrika e Jugut kishin hapur edhe Kupën e Botës 2010 në Johanesburg, duke shtuar simbolikën e kësaj sfide.
Ndeshja luhet nga ora 21:00.
