Gërvalla e pati caktuar në pozitë të rëndësishme prokuroren Suada Hamza, për të cilën gruaja e vrarë mbrëmë kishte kërkuar të merreshin masa

Prokurorja Suada Hamza është emri më i komentuar i momentit. Kjo për faktin se vrasja e Arlinda Zekajt lidhet pikërisht me neglizhencës që organet e sigurisë dhe të hetuesisë në Pejë i kishin bërë.

Arlinda Zekaj në shumë raste kishte raportuar për dhunën e përdorur në drejtim të saj dhe e njëjta kërkoi siguri e drejtësi- dy gjëra të cilat nuk iu ofruan dhe e njëjta u vra mizorisht nga kunati i saj.

Arlinda Zekaj, viktima e vrasjes në Vitomiricë, ishte ankuar edhe tek Kryeprokurorja në Pejë, së cilës i kishte kërkuar marrjen e masave – veç tri ditë para ngjarjes.

Ajo ndonëse të dielën e 25 tetorit raportoi rast për dhunë në familje, nga Policia e Kosovës u dërgua sërish në shtëpinë e saj, aty ku disa minuta më pas u vra nga kunati i saj, i cili është ende në arrati dhe Policia tanimë e shpalli në kërkim, raporton lajmi.net.

Por Suada Hamza, e cila ishte prokurore e rastit ishte “shpërblyer” pikërisht nga pushteti i tanishëm.

Kuvendi i Kosovës pati miratuar me 63 vota për përbërjen e re të Komisionit për Dhënien e Provimit të Jurisprudencës, me propozim të Ministrisë së Drejtësisë, të udhëhequr nga zëvendëskryeministrja dhe ministrja Donika Gërvalla.

Në mesin e anëtarëve të rinj të komisionit është edhe prokurorja Suada Rama-Hamza, e cila është emëruar zëvendësanëtare për fushën e së Drejtës Kushtetuese dhe Bazave të Sistemit Gjyqësor. Në të njëjtën fushë, anëtare e komisionit është Anita Prenaj-Krasniqi.

Përbërja e re e komisionit, e miratuar me 63 vota për në Kuvendin e Kosovës, përfshin këta emra:

Arian Gashi, kryetar i komisionit, dhe Ersan Qavolli, zëvendësanëtar – E Drejta Penale, materiale dhe procedurale.
Lumni Sallauka, zëvendëskryetar, dhe Arsim Hamzai, zëvendësanëtar – E Drejta Civile, materiale dhe procedurale.
Anita Prenaj-Krasniqi, anëtare, dhe Suada Rama-Hamza, zëvendësanëtare – E Drejta Kushtetuese dhe Bazat e Sistemit Gjyqësor.
Burim Shala, anëtar, dhe Nehat Qelaj, zëvendësanëtar – E Drejta Tregtare, E Drejta e Punës dhe E Drejta Administrative.
Bujar Muzaqi, anëtar, dhe Hysni Ismaili, zëvendësanëtar – E Drejta Ndërkombëtare dhe E Drejta e Bashkimit Evropian.
Duke folur për mënyrën e trajtimit të ankesave të kandidatëve, Gërvalla ka deklaruar se është evidentuar mungesë e shqyrtimit substancial dhe individual të tyre, si dhe përdorim i përgjigjeve të standardizuara pa arsyetim konkret.

Sipas ministres Gërvalla, këto gjetje kanë qenë ndër arsyet që kanë shtyrë Ministrinë e Drejtësisë të propozojë ndryshimin e përbërjes së komisionit, me synimin për të përmirësuar mënyrën e organizimit dhe administrimit të provimit.

Gërvalla ka theksuar gjithashtu se analiza krahasuese e rezultateve të kalueshmërisë ka treguar dallime të mëdha ndërmjet dy periudhave.

“Në aspektin statistikor, analiza krahasuese e rezultateve ndërmjet dy periudhave tregon një shpërputhje të theksuar në standardin e vlerësimit. Ndërkohë që në periudhën 2023–2025 kalueshmëria në provim sillet në nivelin 3%–4%, në periudhën 2021–2023 ajo arrinte deri në mbi 34%”, ka deklaruar ministrja.

Ajo ka përmbledhur se, sipas vlerësimit të Ministrisë, procesi gjatë më shumë se dy viteve është shoqëruar me probleme që lidhen me transparencën, respektimin e kornizës programore dhe ligjore, arsyetimin e vlerësimeve, dokumentimin dhe trajtimin e ankesave.

Përbërja e re e Komisionit për Dhënien e Provimit të Jurisprudencës është miratuar në Kuvendin e Republikës së Kosovës, pas propozimit të Ministrisë së Drejtësisë.

Por, gjatë verës së vitit 2026, viktima e vrasjes në Pejë, Arlinda Zekaj, kishte kërkuar inicimin e procedurës disiplinore ndaj prokurores, Suada Hamza. Kjo e fundit, sipas tashmë së ndjerës, kishte neglizhuar rastin për djalin e saj, i cili kishte mbetur nën përkujdesjen e personave të tjerë. Kryeprokurorja, e Pejës, Lumturije Vuçetaj, kishte refuzuar kërkesën e viktimës për prokuroren Hamza.