Në këtë foto të 9 dhjetorit 2017, producenti i AP-së, Nebi Qena, shihet pranë forcave izraelite të sigurisë gjatë mbulimit të përleshjeve mes palestinezëve dhe forcave izraelite që kanë pasuar vendimin e Presidentit Amerikan Donald Trump ditën e mërkurë që të njohe Jerusalemin si kryeqytet të Izraelit.
Vendimi i Trump ka nxitur protesta në mesin e palestinezëve dhe mbarë botës arabe e myslimane të cilat duan të shohin Jerusalemin si kryeqytet të Shtetit Palestinez.
Forcat izraelite kanë shkrepur plumba gome gjatë ditës së shtunë derisa dhjetra palestinezë kanë hedhur gurë në drejtim të tyre.
Përleshjet kanë qenë më të ashpra në Bregun Perëndimor ku forcat izraelite të sigurisë kanë shtënë me armë dhe kanë hedhur gaz lotsjellës për të shpërndarë qindra protestues palestinezë, njofton Klan Kosova.
Grupi i militantëve islamikë në Gaza, Hamas, ka bërë thirrje për tre ditë mllefi për të kundërshtuar vendimin e Presidentit Trump.
