Garë e zjarrtë brenda PDK-së, pak vota ndajnë tre kandidatët për një ulëse në kuvend

Komisioni Qendror i Zgjedhjeve ka procesuar rreth 65% të votave për deputetë, ndërsa një garë jashtëzakonisht e ngushtë po zhvillohet brenda Partisë Demokratike të Kosovës për sigurimin e një mandati në Kuvend.

Sipas rezultateve të deritanishme, Adriatik Berisha kryeson me 11,400 vota, i ndjekur nga Xhavit Haliti me 11,136 vota. Në vendin e tretë renditet Hajdar Beqa me 11,017 vota, transmeton Indeksonline

Diferenca mes tre kandidatëve është minimale, me vetëm 383 vota që i ndajnë nga njëri-tjetri, duke e bërë këtë një nga garat më interesante dhe më të paparashikueshme të këtyre zgjedhjeve.