Gara ndërkombëtare automobilistike bllokon qarkullimin në aksin Radavc–Kullë

Qendra Kombëtare për Menaxhim Kufitar ka njoftuar se, për shkak të një gare në aksin rrugor Radavc-Kullë në rajonin e Pejës, ky segment do të jetë i mbyllur në disa intervale kohore në datat 13 dhe 14 qershor.

Bëhet fjalë për garën ndërkombëtare automobilistike të disiplinës malore, e organizuar nga Federata e Auto Sporteve të Kosovës, shkruan IndeksOnline.

Gara është planifikuar të mbahet më 13 dhe 14 qershor, me fillim nga ora 10 deri në orën 18.