Instituti Hidrometeorologjik i Kosovës ka njoftuar se gjatë kësaj fundjave në vendin tonë do të mbretërojë mot i paqëndrueshëm, kjo si pasojë e masave të ajrit me origjinë nga veriu dhe me sasi të lartë të lagështisë, të cilat do të shtrihen mbi vendin tonë, duke gjeneruar reshje shiu dhe vende-vende edhe shkarkime rrufesh.
“Reshjet e shiut pak sa ma të theksuara parashihen ditën e diel por që edhe të shtunën pasdite do të ketë reshje lokale. Në viset malore reshjet e shiut do të kenë kushte të jenë të përziera edhe me borë. Temperaturat maksimale do të ulën për 4-7 gradë Celsius”
” Edhe shtypja e lartë atmosferike që është tani do të dobësohet përkohësisht. Temperaturat minimale do të lëvizin ndërmjet 3-5 gradë , kurse maksimalet e ditës parashihen të lëvizin ndërmjet 16-20 gradë Celsius. Do të fryjë erë kryesisht nga verilindja me shpejtësi deri 9m/s”, bën të ditur IHMK
