Janë publikuar formacionet zyrtare për sfidën mes Francës e Australisë.
Dita e tretë është shumë e pasur në “Rusi 2018”, ku do të debutojnë në Kupën e Botës dy favoritë të tjerë për fitoren përfundimtare: Franca dhe Argjentina, raporton Gazeta Express.
“Gjelat” do të jenë në “mejdan” në orën 12:00, të cilët do të luajnë kundër Australisë, sfidë e vlefshme për Grupin C, e cila, të paktën në letër, duket pa histori dhe tashmë janë publikuar edhe formacionet zyrtare.
Pas Francës, në orën 15:00 e nis aventurën në Botëror Argjentina e Leo Messit, por mesiguri me Dybalan dhe Higuainin në stol, do të përballet me Islandën, e vlefshme për Grupin D.
Pasditja e futbollit të madh do të vazhdojë në orën 18:00, kur Peruja dhe Danimarka do të luajnë sfidën e dytë të Grupit C, ku bën pjesë edhe Franca.
Së fundi, për të mbyllur ditën e tretë të Botërorit të Rusisë, do të luhet ndeshja midis Kroacisë dhe Nigerisë, e vlefshme për Grupin D. /Express/
