Sulmuesi kosovar, Florent Hasani ka shkëlqyer sot për ekipin e tij Boluspor, në ndeshjen ndaj Hatayspor.
Hasani i vetëm arriti që ta rikthejë skuadrën e tij nga humbja prej 2-0, duke i siguruar një barazim prej 2-2.
Bamgboye dhe Rui Pedro shënuan për vendasit, Hatayspor, me ç’rezultat u mbyll edhe pjesa e parë.
E dyta e tëra ishte e mysafirëve të Boluspor.
Fillimisht, Hasani shënoi nga penalltia në minutën e 60-të, ndaj portierit të kombëtares së Kosovës, Visar Bekajt.
Bekaj po ashtu u mposht përsëri nga Hasani në minutën e 96-të, me sulmuesin që shënoi gol të bukur nga goditja e dënimit.
Hasani këtë sezon ka gjashtë gola në gjashtë ndeshje, teksa ka kontribuar edhe me një asistim./GazetaExpress/
- Advertisement -
