Familja e Ilias Mahmutit kanë përjashtuar si mundësi që vrasja e birit të tyre të ketë pasur motive raciste. Sipas tyre, vogëlushi qëlloi në vendin e gabuar, në kohë të gabuar, transmeton Gazeta Metro.
U përfol shumë se vrasja mund të kishte ndodhur për motive raciste, por një mundësi e tillë po përjashtohet.
“Duke qenë se vogëlushi, kishte pasur nënshtetësi kosovare, ministri i jashtëm i Kosovës, Behgjet Pacolli ka urdhëruar Konsullatën Kosovare në Cyrih që të mbështesë familjen. Kështu, zëvendësshefi i Konsullatës së Kosovës në Cyrih, Visar Rrecaj ka vizituar familjen të premten në Bazel”, transmeton albinfo.ch
Në bisedë me ta, prindërit e viktimës më thanë se ata nuk kishin pasur kurrë probleme me askënd dhe për këtë arsye duhet përjashtuar që vrasja të ketë qenë ndonjë akt i hakmarrjes.
Ata kanë përjashtuar po ashtu edhe ndonjë motiv me sfond racist. Për familjen është e sigurt: djali i tyre, thjesht, ka qëlluar në kohë të gabuar në vend të gabuar”./gazetametro.net
