Në kohën e zgjedhjes së Hashim Thaçit President të Kosovës, saktësisht tri vite më parë deputeti i Kuvendit të Kosovës nga radhët e Aleancës për Ardhmërinë e Kosovës, Daut Haradinaj e kishte kundërshtuar atë, duke e quajtur edhe presidentet jo të unitetit.
Në ketë mënyrë ai ishte drejtuar deputetëve të LDK-së duke u thënë: “Kur e keni varrosë Rugovën, -27 gradë ftohtë, qetu i keni njerëzit që ua kanë lënë mbi dhe. Ku e keni pas gardën atë ditë. Ku është komandant Çeku. Fol Nurë…”.
Në atë botë Haradinaj, gjithashtu ka thënë se nuk mund të bëhet president i unitetit, një njeri që akuzon familjen Haradinaj se kundërshtimi për demarkacionin ka të bëjë me faktin se kjo familje do të mund të humbte tokë të veten.
Ai ishte ndërlidhur edhe me faktin se edhe Lista Serbe po e mbështet Thaçin për president.
“Pse nuk e bindet listën serbe me votu FSK-në?”.
“Nuk është fundi i botës nëse Thaci zgjidhet president, por nuk do të jetë i popullit të Kosovës, por i koalicionit”.
Ai ka folur edhe rreth reagimeve të ndërkombëtarëve për mos dhunë në Kuvend.
“Kush e solli dhunën. I shkruam nuses së kombit, Jahjagës, kryeministrit… Asnjë përgjigje, asnjë sms nuk e kthyen mbrapa. Na detyruan me dalë”.
“Serbia nuk do të kthehet kurrë më në Kosovë. Mos ta instalojmë ligjërisht në Kosovë, ma e fortë është Serbia e Rusia në Kosovë sot se në kohën e Milloshevicit përveç se ska tanke”.
Që nga ajo kohë deri më tani nuk duket se ka pasur përafërim të raporteve mes deputetit Haradinaj dhe Presidentit Thaçi, të paktën kjo nuk është vërejtur në deklarata publike. /Gazeta Blic/
