Drenasi është bërë me kryetar të ri, shkruan Infokusi.com.
Ramiz Lladrovci ka fituar sonte në balotazh dhe do të jetë i pari i Komunës së Drenasit.
Fitorja e tij pritet të sjellë të mira materiale për klubin e Feronikelit, siç kishte sjellë edhe më herët ish – kryetari Nexhat Demaku.
Por, përveç mbështetjes financiare, Infokusi.com merr vesh se kryetari i ri do të sjellë një futbollist shumë cilësor te ‘Nikli’.
Në fakt, do të ndodhë rikthimi i ish – kapitenit të Feronikelit, Lapidar Lladrovcit, i cili është djali i kryetarit të ri, Ramiz Lladrovcit, shkruan Infokusi.com.
Ky pritet të jetë ndër përforcimet më të mëdha të Feronikelit në afatin e janarit dhe pritet të ndodhë shumë shpejt.
Ndryshe, Lapidar Lladrovci është kapiten historik i Feronikelit, pasi ka fituar gjithçka që fitohet në futbollin e Kosovës me skuadrës nga Drenasi./Infokusi.com/
