Turqia i ka dhënë sërish votën partisë së presidentit Erdogan. AKP-ja ka marrë 49.9 për qind të votave, duke siguruar 316 vende në Parlamentin turk, një numër i mjaftueshëm për të qeverisur vendin e vetme.
Partia filokurde HDP ka fituar 59 vende, ndërsa 41 vende janë siguruar nga partia MHP. Ndërkohë, në juglindje të Turqisë, zonë me shumicë kurde, kanë nisur protestat pas rezultatit të papritur, që prishi parashikimet e tyre për “rrëzimin e sulltanit nga pushteti”.
Ndërsa në shkallë vendi nuk kishte përfunduar ende numërimi, në Diyarbakir protestues kurdë ndezën zjarre dhe ngritën barrikada, ndërsa më pas u përleshën me policinë, e cila përdori gaz lotsjellës për të shpërndarë njerëzit.
Nisur nga qëndrimi i kurdëve, parashikimet për muajt e ardhshëm nuk janë optimiste për situatën në vend. Në Turqi ekziston frika se konflikti mund të zhvendoset edhe në qendrat e mëdha urbane.
