Kandidati i Partisë Demokratike të Kosovës (PDK) për kryetar të Vushtrrisë, Ferit Idrizi, ka prezantuar ekipin që do ta shoqërojë gjatë fushatës zgjedhore dhe nëse merr mandatin e kryetarit.
Përmes një postimi në Facebook, Idrizi ka deklaruar se ekipi i tij përfaqëson energjinë, vizionin dhe përkushtimin që i duhet Vushtrrisë.
“Me super ekipin që do të jenë krah meje në këtë fushatë, e për katër vitet e ardhshme zëri juaj. Ata janë energjia, vizioni dhe përkushtimi që i duhet Vushtrrisë. Së bashku, me Partinë Demokratike të Kosovës dhe numrin 191, me 12 tetor garojmë për fitoren tonë, për fitoren e secilit qytetar!”, ka shkruar Idrizi.
Idrizi ka theksuar se PDK do të garojë për një fitore të përbashkët, duke synuar të marrë besimin e qytetarëve të Vushtrrisë më 12 tetor.
