Një fatkeqësi ka ndodhur dje ku një familje kosovare janë aksidentuar derisa po ktheheshin nga Kosova për në Zvicër.
Gjashtë persona, përfshirë këtu familjen 5 anëtarëshe nga Kosova dhe një shofer kamioni janë lënduar rëndë nga ky aksident që ndodhi në Waldshut – Tingen të Gjermanisë, afër kufirit me Zvicrën.
Kamioni dhe vetura u përplasën rreth orës 08:00 të mëngjesit të mërkurën.
Familja po kthehej nga Kosova, ndërsa aksidenti ka ndodhur pak minuta para mbërritjes në vendin ku kanë jetuar.
Sipas raportimeve nga mediat e huaja shkaqet që quan deri tek aksidenti janë ende të panjohura, por në makinë kanë qenë prindërit me tre fëmijë të vegjël një deri në tre vjeç.
Zëdhënësi i policisë ka deklaruar se një person është bllokuar në makinë nga përplasja dhe u desh të nxirrej nga zjarrfikësit.
Fëmijët të cilët pësuan lëndime thuhet se janë në mes pesë muajsh dhe tre vjeç, e të njëjtit u transportuan me helikopterë për në spital, shkruan lajmi.net.
Sipas detajeve të dhëna nga ky rast, një nga fëmijët është në gjendje tejet të rëndë. Pas aksidentit e gjithë familja janë sistemuar në spitale, ku edhe po marrin trajtimin e nevojshëm mjekësor.
Familja është me origjinë nga fshati Ratkoci i Rahovecit./Lajmi.net/
