Sot në festën javore të besimit Islam, xhumaja në Skënderaj ishte më ndryshe se zakonisht.
Imami i xhamisë ”Shaban Jashari’‘ Mr. Elbasan Xani vendosi që para një numri të madh të njerëzve (rreth 1000). Vendosi të fliste për një temë të veçantë me një veshje të veçantë.
Me uniform të UÇK-së dhe me ligjeratë kushtuar familjes Jashari por edhe luftëtarëve të tjerë të UÇK-së, imami foli rreth historisë se si ndodhi sulmi i agresorëve serb ndaj familjes Jashari.
Ai tha se sulmet ndaj kësaj familje nuk filluan në vitin 1998. Por qysh nga viti 1991 ku u kthyen të dëshpëruar. Mr. Xani, gjithashtu kërkoi veçanërisht nga rinia që ta duan atdheun e tyre dhe të punojnë për të.
“Heronjtë nderohen duke e qu në vend amanetin dhe idealet për të cilat derdhi gjak Adem Jasharit dhe të gjithë atyre që luftuan për këtë liri” potencoi Xani.
Në fund së bashku me xhematin e luti Zotin që t’i mëshironte secilin nga antarët e vdekur të familjes Jashari.
Shqipron Kuliqi (student i Gazetarisë në UP)
