Fisnik Asllani është një prej emrave më të përfolur, kjo për shkak të formës fantastike te Hoffenheimit dhe skuadrave të interesuara.
Në mesin e klubeve që dëshiron shërbimet e sulmuesit kosovar, është Barcelona, shkruan Indeksonline
Pikërisht në “Sport.es”, sot raportohet për emrin e Asllanit dhe një mundësi transferimi në “Camp Nou”.
Megjithatë, në Spanjë e dinë se do jetë e vështirë, pasi në garë ka shumë skuadra tjera, duke përfshi: Chelsean, Tottenhamin, Bayern Munchen, Borussia Dortmundin dhe Aston Villan.
Edhe vet futbollisti gjatë një interviste muaj më parë, kishte deklaruar se dëshiron të luajë në Barcelonë.
“E kam ëndërr Barcelonën. Dua të luaj në Ligën e Kampionëve”, ishte shprehur Asllani.
Kujtojmë se skuadra e Hoffenheimit ia ka vazhduar kontratën Asllanit deri në vitin 2029, kurse klauzola e lirimit është 30 milionë euro./Indeksonline/
