Skuadra e Drenicës ka qenë një nga ekipet më aktive në merkaton e verës.
KF Drenica mbrëmë ka zyrtarizuar edhe transferimin e super sulmuesit, Isa Eminhaziri, shkruan GazetaBlic
Eminhaziri është një nga lojtarët më të mirë në Kosovë dhe transferimi i tij do t’i ndihmojë Drenicës për objektivat në edicionin e ardhshëm.
Isa Eminhaziri në një prononcim për ‘GazetaBlic’ është shprehur shumë i lumtur për transferimin e tij tek Drenica dhe gjithashtu ka zbuluar aryset e largimit nga Gjilani.
“Ka qenë paksa e vështirë të largohem nga Gjilani – sepse kam kaluar një kohë të gjatë dhe të mirë, por disa arsye të vogla i bëjnë gjërat e mëdha dhe e bëjnë largimin më të lehtë”, tha fillimisht Eminhaziri.
“Transferimi tek skuadra e Drenicës është bërë pasi janë ekip stabil. Në një bisedë me kryesinë kemi rënë darkord, pasi më duket një projekt mjaft serioz.”
“Objektiva është t’i ndihmojë ekipës në maksimum t’i shpërblejë për besimin që më kanë dhënë”, përfundoi lojtari më i ri i Drenicës.
/GazetaBlic/
