Anëtari i Institutit të Kosovës për Drejtësi (IKD), Ehat Miftaraj, ka reaguar pas pranimit të faturës së energjisë elektrike për muajin tetor, duke ironizuar me çmimin e lartë të saj.
Përmes një postimi në “Facebook”, Miftaraj ka thënë se shuma e faturës e ka bërë të mendojë se është “oligark apo pronar biznesi”, duke aluduar në çmimet e larta të energjisë që po u vijnë qytetarëve.
“Më erdhi fatura e rrymës për muajin tetor për shpenzimet në banesë. Në bazë të çmimit të faturës, për një moment mendova mos jam oligark apo pronar i ndonjë biznesi. Pastaj mu kujtua se nga kjo faturë fiton me siguri shumë ndonjë oligark ose këshilltar i lidhur me partinë në pushtet”, ka shkruar Miftaraj./Lajmi.net/
