1 mijë euro e 417 euro u shpenzuan në pije për zyrën e ish – ZëvendësKryeministres Edita Tahiri në vitin 2012 vetëm për një muaj.
Ndër to, në faturën e muajit janar figurojnë 1 mijë e 384 porosi për makiato, specifikisht 625 prej tyre makiato të vogla dhe 759 makiato të mëdha.
Nga llogaritja e thjeshtë, i bie që për një ditë të jenë porositur rreth 40 makiato.
Restauranti ‘Amadeus’, i kontraktuar për të ofruar shërbime të pijeve për zyrën e Zv/Kryeministres, ka dërguar një faturë mujore të datave 01.01.2012 deri më 31.01.2012 që në total kap shumën 1 mijë e 917 euro, shkruan Kallxo.com.
- Advertisement -
