Vapa afrikane që ka depërtuar mbi rajon ditëve të fundit pritet të vazhdojë edhe ditën e martë, duke arritur edhe kulminacionin me temperatura që pritet të shënojnë vlerat më të larta gjatë këtyre ditëve, transmeton Gazeta Metro.
Sot moti në Kosovë do të jetë i kthjellët dhe me diell dhe po shumë vapë. Kujdes me shfaqjen ndaj rrezeve të diellit në orët e pasditës. Përcillni këshillat e mjekëve dhe institucioneve dhe njerëzit që vuajnë nga sëmundje kronike, të moshuarve dhe fëmijëve të vegjël nuk duhet të ekspozohen në temperatura të larta. Temperatura më e lartë do të arrijë 38 gradë në Kosovë deri sa më u ulta 16 gradë.
Nga dita e mërkurë një turbullirë nga Atlantiku do të kalojë mbi rajon, që pritet të sjellë edhe zhvillime të shtrëngatave të shpërndara me shi, kryesisht orëve të pasdites dhe mbrëmjes. Reshjet do të vazhdojnë edhe në orët e mëngjesit të ditës së enjte, e më pas reshjet do të pushojnë.
Ditën e enjte, nga veriu i kontinentit do të depërtojnë masa më të freskëta ajrore që do të zbresin temperaturat maksimale në 22C deri 25C./gazetametro.net
