Një punëtor i kompanisë që po ndërton fluturake për energji elektrike në Bajgorë, ka vdekur para pak minutash.
Reporteri.net mëson se punëtori humbi jetën pas një aksidenti me traktor.
Rastin e kanë konfirmuar edhe nga Policia e Kosovës, të cilët nuk kanë marrë akoma shumë detaje për shkak se vendi i aksidentit është zonë e lartë malore.
“Kanë shkuar Policia në vendin e ngjarjes. Nga informacionet e para, dyshohet për një vdekje aksidentale”, ka thënë zëdhënësi Avni Zahiti për Reporterin.
Ndërkohë, ekipet emergjente kishin shkuar më herët në vendin e ngjarjes, ku ishte konfirmuar vdekja e punëtorit. Gazeta mëson se viktima është kosovar, identiteti i të cilit akoma nuk dihet.
Ndryshe, parku i energjisë me erë, të cilit iu dha statusi i Investitorit Strategjik të Repubikës së Kosovës në shkurt të vitit 2019, është një projekt i përbashkët i financuar nga investitorët gjermanë, izraelitë dhe kosovarë. Me 27 turbina të prodhuara në Gjermani, parku i erës do të gjenerojë një kapacitet total prej 105 Më që arrin afërsisht 10 % të kapacitetit të përgjithshëm.
