Kosova ka nisur nga ora 17:00 përgatitjet për ndeshjen e së hënës me Bullgarinë, por është dashur ta ndërpresin atë para kohe.
Sipas asaj që raporton Supersport, një gjë e turpshme ka ndodhur në stërvitjen e parë të “Dardanëve” në Sofje para ndeshjes mes Bullgarisë dhe Kosovës, raporton Gazeta Express.
“Supersport” raporton se stërvitja e Kosovës është ndërprerë në gjysmë për shkak të thirrjeve racist të tifozëve bullgarë që ishin jashtë stadiumit.
“Vdekje për shqiptarët, vdekje për shqiptarët”, ishin thirrjet e tyre, çka e detyruan Bernard Challandes që të mbyllë gjithçka para kohe.
Kosova ka udhëtuar për në Bullgari menjëherë pas barazimit 1-1 me Malin e Zi.
Fatkeqësisht, në ndeshjen e së hënës, përveç Valon Berishës, Hekuran Kryeziut dhe Herolind Shalës, do të mungojë edhe Arbër Zeneli.
Futbollisti i Kombëtares u lënduar rëndë mbrëmë në ndeshjen kundër Malit të Zi. /Gazeta Express/
