Boksierja kosovare, Donjeta Sadiku ka mbetur pa medalje në turneun “Kupa Botërore e Boksit”.
Sadiku sot luftoi për medaljen e bronztë, por ishte e pafat, ku pësoi humbje me rezultat të ngushtë 3:2 ndaj boksieres polake Aneta Elżbieta Rygielska, shkruan IndeksOnline.
Sadiku zhvilloi një paraqitje të mirë dhe të fortë, dhe besojmë se u dëmtua në ket duel.. Raundi i parë i takoi boksieres polake, ndërsa në të dytin Donjeta reagoi fuqishëm dhe e fitoi 3:2. Në këtë raund, kundërshtarja e saj mori një vërejtje publike, çka sipas rregullave do të duhej të reflektohej me zbritje pikësh dhe një avantazh më të thellë për Sadikun.
Raundi i tretë, sipas vendimit të gjyqtarëve, u vlerësua 3:2 në favor të Rygielskës, edhe pse Sadiku ishte më aktive gjatë gjithë kohës, duke sulmuar dhe plasuar goditje të pastra. Në përfundim, me vendim të ndarë 3:2, fituese u shpall boksierja polake.
Kjo Kupë Botërore ka një rëndësi të veçantë, pasi pikët e grumbulluara ndikojnë drejtpërdrejt në procesin e kualifikimit për Lojërat Olimpike “Los Angjelos”/IndeksOnline/
